करोनाग्रस्तांसाठी गंभीरची ५० लाखांची मदत



करोनाग्रस्तांसाठी गंभीरची ५० लाखांची मदत





करोनाग्रस्तांच्या मदतीसाठी आता भारताचा माजी सलामीवीर आणि भाजपाचा खासदार गौतम गंभीर पुढे सरसावला आहे. गंभीरने करोनाग्रस्तांसाठी ५० लाख रुपयांची मदत जाहीर केली आहे.

करोनाचा कहर जगभराबरोबर भारतातही सुरु आहे. त्यामुळे भारतातील काही राज्यांमध्ये संचारबंदीही लागू केली आहे. दिवसेंदिवस करोनाग्रस्तांची संख्याही वाढत आहे. त्यामुळे त्यांच्या उपचारांसाठी पैसे कमी पडू नयेत, यासाठी गंभीरने ५० लाख रुपयांची मदत केली आहे.